Zhvillimi i aftësive për grupet e margjinalizuara në Shqipëri
Embedded Files
Fondacioni Goodtree synon për ripërtëritjen holistike të komuniteteve rom dhe egjiptian në Shqipëri, nëpërmjet trajnimeve individuale dhe mundësive të arsimit, në bashkëpunim me organizatat lokale dhe biznese.
Goodtree ofron mjete praktike për të përmirësuar jetën nëpërmjet projekteve për aftësimin për jetën dhe aftësive profesionale.
Ne synojmë komunitetet, ku individët dhe familjet e tyre njohin vlerat dhe dinjitetin e tyre, duke mësuar dhe punuar, të thyejnë ciklin e varfërisë.
Qëndrimet dhe veprimet tona në Goodtree tregojnë vlerat si: dinjiteti, integriteti dhe qëndrueshmëri.
Ne tregojmë respekt ndaj të gjithëve, duke u treguar se ato janë të rëndësishëm dhe me vlerë.
Ne vlerësojmë aftësitë unike të çdo individ dhe nxisim një mjedis ku ata mund të zhvillojnë më tej aftësitë e tyre.
Ne mbështesim standarte të larta etike dhe nuk tolerojmë mashtrimin, gënjeshtrën apo vjedhjen.
Ne administrojmë kohën tonë me zell për të çuar përpara qëllimet e Goodtree.
Ne pëlqejmë inovacionin dhe zgjidhjet kreative për problemet e vështira.
Ne kultivojmë marrëdhënie me organizata të tjera apo biznese për të mësuar nga ekspertiza e tyre dhe të zhvillojmë projekte të reja.
Instituti Goodtree
Nëpërmjet Institutit Goodtree, ne ofrojmë kurse individuale me qëllimin për të ndihmuar kursantët të përmirësojnë aftësitë për jetën. Në këto kurse përfshihen;
shkrim dhe lexim,
aftësi të thjeshta matematikore,
aftësitë bazë kompjuterike dhe shkrimi,
higjena dhe kujdesi për veten,
etika në punë,
menaxhimi i kohës,
menaxhimi i parave,
etj.
Goodtree Handmade
Goodtree Handmade trajnon dhe punëson gra nga komuniteti për të prodhuar sapunë artizanal me burim lokal dhe produkte artizanale të tjera. Në mjedisin tonë të punës, gratë mësojnë aftësitë e nevojshme për t'u integruar në vendet e punës në Shqipëri.
Porosisni produkte sapuni artizanal në Goodtree Instagram.
Mentorimi në Goodtree
Ne ofrojmë mentorime individuale sepse duam që klientët tanë të fitojnë aftësi profesionale nëpërmjet kurseve në bashkëpunim me organizata të ndryshme. Mentorët e Goodtree janë të kualifikuar dhe takohen rregullisht me klientët për t'i inkurajuar, për të ndjekur progresin e tyre dhe duke i ndihmuar në përvetësimin e suksesshëm të aftësive profesionale.
Mentorimi në Goodtree përfshin gjithashtu një program për zhvillimin e të rinjve. Të mentoruarit marrin pjesë në bujqësi, laboratorë shkencorë, arte marciale, stërvitje Cross--fit, qepje, bërjen e bizhuterive etj, ndërsa mësojnë aftësitë e nevojshme për jetën në moshë madhore.
Namie Koo
Bashkëthemeluese
Goodtree Handmade
Namie ka studiuar në Parsons School of Design në Nju Jork, Amerikë. Ajo ka punuar në industrinë e marketingut të modës për 8 vite. Më pas, ajo ka qënë drejtoreshë programi dhe anëtare e bordit për një OJQ "Gifted Hands NYC, duke ofruar një program arsimor dhe kurse për biznes bizhuterish për komunitetet e pashërbyera. Namie jeton në Shqipëri që nga viti 2020 me një vizion për një qendër për grupet e margjinalizuara. Fondacioni Goodtree është një përmbushje e asaj ëndrre, ku Namie drejton Goodtree Handmade dhe fokusohet në zhvillimin e produktit dhe trajnimin e aftësive profesionale.
Samuel Koo
Bashkëthemelues
Mentor Programi
Samueli ka studiuar Kimi në Institutin e Teknologjisë të Nju Xhersit dhe ka punuar në industrinë e aksesorëve të modës si menaxher importi dhe eksporti. Ai është nga Nju Xhersi, Amerikë. Mbi 10 vite, ai ka bashkëpunuar në projekte jashtë shtetit për të ndihmuar komunitetet e pashërbyera në Honduras, Peru, Meksikë, Pakistan, Jordani dhe Kinë. Samueli jeton në Shqipëri që nga viti 2020, dhe ka punuar tek shoqata ''Shtëpi Shprese'' për t'i shërbyer komunitetit rom në Shkozë. Tani në Goodtree, Samueli merret me mentorimin e të rinjve dhe zhvillimin e programeve, si dhe në rregullimin e formulave kimike për produktet e sapunit.
Melissa King
Bashkëthemeluese
Instituti Goodtree
Melissa është nga Florida, Amerikë dhe ka mbaruar studimet B.A dhe M.A në TESOL (mësuesi për gjuhën angleze për studentët që po mësojnë anglishten si një gjuhë të dytë) në Çikago. Melissa ka punuar si mesuese për gjuhën angleze në organizata që u shërbenin refugjatëve për 6 vite. Melissa jeton në Shqipëri që nga viti 2018. Ajo ka filluar të punojë me komunitetin rom në lagje të ndryshme të Tiranës. Ajo aktualisht është duke vazhduar studimet M.A në degën Shërbime Sociale gjatë Krizës dhe Traumës pranë universitetit ‘’Liberty’’. Në Goodtree Melissa fokusohet në krijimin e kurrikulës dhe mësimeve individuale.
Raxhi Rakipi
Kordinator Programesh
Mentor Programi
Raxhi ka mbaruar studimet B. A për gjuhën shqipe dhe rome dhe M.A për gjuhë shqipe dhe letërsi pranë universitetit ‘’ Aleksandë Xhuvani’’ në Elbasan. Raxhi vjen nga qyteti Elbasanit, ku për 11 vite ka punuar me organizata të shoqërisë civile. Aktualisht, Raxhi është mësuesi i parë për gjuhën rome në Shqipëri. Ai jep mësim në dy shkolla 9-vjeçare në Elbasan. Në Goodtree Raxhi kordinon programet, ku merret me mentorimin e të rinjve dhe krijimin e kurrikulës. Ai menaxhon thirrjet për projekte dhe bashkëpunimin me aktorë lokal.
Page updated
Google Sites
Report abuse